"Барселона" спорт директори Рамон Планес клуб билан 2023 йилгача тузилган шартномани бекор қилиш учун ариза топширди. Бу ҳақда "Sport.es" нашри хабар бермоқда.
Эътиборлиси, бу Хави "кўк-анор ранглилар"га бош мураббий этиб тайинланганидан бир неча кун ўтиб содир бўлди. Планеснинг фикрича, унинг Каталония клубидаги фаолияти якунига етди.
Томонлар шартномани бекор қилиш бўйича музокаралар олиб бормоқда, аммо "Барселона" функционернинг аризасига салбий муносабат билдирган. Каталонияликлар қишки трансфер ойнаси очилишига оз қолганда уни йўқотмоқчи эмас.
Эслатиб ўтамиз, Планес 2020 йил август ойидан бери “Барселона” спорт директори лавозимида ишлаб келмоқда. Унинг энг яхши келишувлари - ҳимоячи Рональд Араухо ва ярим ҳимоячи Педри.
