Бразилия терма жамоаси ва “Ливерпуль” дарвозабони Алиссон келаси йилнинг 17 январида ФИФА томонидан тақдим этиладиган The Best учун овоз бериш жараёни ҳақида ўз фикрини билдирди.
"Менимча, Левандовски бу совринга лойиқ. Унинг рақамлари ва ютуқлари шунчаки фантастик кўрсаткич. У рекордларни янгилайди, кўплаб голлар уради ва ажойиб барқарорликни намойиш этади”, - деди Алиссон.
Эслатиб ўтамиз, соврин учун овоз бериш жараёни 22 ноябрдан 10 декабргача бўлиб ўтади ва унинг натижаларига кўра “Энг яхши футболчи”, “Энг яхши мураббий”, “Энг яхши дарвозабон”, “Энг яхши гол”, “Фейр-Плей” ва “Мухлислар мукофоти” каби номинациялар бўйича ғолиблар аниқланади.
