“Реал” клуби раҳбарлари “Манчестер Юнайтед” ярим ҳимоячиси Поль Погбани сотиб олиш фикридан қайтиши мумкин. “Қироллик клуби” “Монако” аъзоси Аурелиен Чуаменини сотиб олиши мумкин.
Мадридликлар 21 ёшли яримҳимоячини Погбага ажойиб альтернатив сифатида кўрмоқда. Полнинг “қизил иблислар” билан шартномаси келаси ёзгача амал қилади. Томонлар янги келишув бўйича музокаралар олиб боришмоқда, бироқ ҳозирча келишувга эришмаган.
Аурелиен 2020 йилнинг январидан буён “Монако”да ўйнайди. Футболчининг клуб билан шартномаси 2024 йилнинг ёзига қадар тузилган. Чуаменининг трансфер қиймати 35 миллион еврога баҳоланган.
