“Олд Траффорд”да майдон эгалари устидан зафар қучишда катта ҳисса қўшган Бильбаонинг “Атлетик” клуби ёш футболчилари Икер Муньяин ва Хави Мартинеслар қийин вазиятга тушиб қолишди.
УЕФА Европа Лигасидаги ўша ўйинда Муньяин учинчи голни киритиб, ғалабани таъминлаганди. Мухлислар қалбини забт этган ушбу икки футболчининг шуҳратига орадан бир кун ўтиб соя тушди. Яъни, улар ширакайф ҳолда мамлакатнинг икки машҳур фото моделлари билан веб камерада ёнма-ён туриб суратга тушган ва бу суратлар кўп ўтмай тарқалиб кетди. Сариқ сочли фото модел Каролина Абрил икки ёш футболчининг оёқда турмайдиган даражада сархуш эканлигини Твиттер орқали оммага ошкор қилди.
Трансферга қўйилган футболчиларнинг бу қилиғи клуб томонидан салбий баҳоланди.
