"Ливерпуль" ҳужумчиси Муҳаммад Салоҳ фаолиятини клубда давом эттиришга тайёрлигини маълум қилди. Унинг амалдаги шартномаси 2023 йилда якунига этади.
"Агар барчаси менга боғлиқ бўлса, шартномамни янгилаб, "Ливерпуль"да қолмоқчиман. Лекин бу масалани клуб раҳбарияти ҳал қилиши керак. Мен томондан ҳеч қандай тўсиқ йўқ, фақат янги шартнома борасида келишиб олишимиз керак.
Ҳозирча кутяпман.
Қабул қиладиган қарорим фақат пулга боғлиқ эмас. Эътиборли бошқа нарсалар ҳам бор, масалан, жамоа ва мураббийнинг амбициялари", - деди Салоҳ "MBC Masr TV" телеканалига берган интервюсида.
Қайд этиш жоиз, Муҳаммад Салоҳ жорий мавсумда АПЛда 15 та ўйин ўтказиб, 13 та гол урди.
