"Манчестер Юнайтед"нинг афсонавий футболчиси Эрик Кантона "Эрикни излаб" фильмидан сўнг яна кино оламида!
15 йил олдин бутсаларини михга илган (балки илмагандир, тахлаб шкафга солиб қўйгандир) афсонавий Кантона ўз вақтида Франция президенти бўлиш учун ҳам ҳаракат қилиб кўрганди. Айни пайтда "Нью Йорк Космос" футбол клубида директор лавозимида ишлаётган Эрик "Барселона" сингари футбол академиясини кучайтиришга жиддий эътибор қаратмоқда. Агрессив характери билан мухлислар ёдида қолган Кантона "МЮ" сафида ўйнаб юрган кезлари "Кристал Пелес" клуби мухлисининг башарасига туширгани билан янада машҳур бўлганди. Бу қилиғи учун 4 та ўйиндан четлатилган Кантонанинг лақаби кунг-фучи бўлганди. Бу ҳаракатлари "Switch" номли кинода ёрдам бериши мумкин, чунки бу фильм детектив жанрида суратга олинган.













