Ўзбекистон терма жамоаси ҳимоячиси Абдуқодир Ҳусанов Англия Кубоги 3-босқичидан ўрин олган “Манчестер Сити” — “Эксетер Сити” учрашувида (10:1) асосий таркибда майдонга тушиб, тўлиқ ҳаракат ҳаракат қилди.

Ҳусанов ўйин давомида 112 марта тўпга тегинди. Футболчи бу вақт ичида жами 100 марта узатма амалга оширган бўлиб, шулардан 95 таси аниқ манзилга етиб борди — 95 фоиз. Sofascore портали футболчининг ҳаракатларини 7,2 балл билан баҳолади.

Абдуқодир Ҳусановнинг ҳимоядаги ҳаракатлари:

Ҳимоявий ҳаракатлар: 8 марта
Фаол кураш орқали тўпни олиб қўйиш: 3 марта (барчаси муваффақиятли)
Рақиб узатмасини тўхтатиб қолиш: 3 марта
Тозалашлар: 2 марта
Ерда курашлар: 5 марта (3 таси муваффақиятли)
Ҳаводаги курашлар: 2 марта (барчаси муваффақиятли)
Вазиятдан фойдаланиб тўпни қайтариб олиш: 5 марта

Яқинда “Манчестер Сити”га қўшилган Антонио Семеньо Sofascore томонидан учрашувнинг энг яхши футболчиси деб топилди — 9,5. Ганалик вингер ўйинни асосий таркибда бошлаб, 64-дақиқада захирага олинди. Футболчи 49-дақиқада Рико Льюиснинг голига ҳаммуаллифлик қилган бўлса, орадан 5 дақиқа ўтиб, ўз ҳисобига битта гол ҳам ёздириб қўйди.

Шунингдек, икки гол ва 1 ассист муаллифига айланган Рико Льюис ўйиннинг энг яхши иккинчи футболчиси деб топилди. Sofascore портали ҳимоячининг ҳаракатларини 8,9 балл билан баҳолади.