O‘zbekiston terma jamoasi himoyachisi Abduqodir Husanov Angliya Kubogi 3-bosqichidan o‘rin olgan “Manchester Siti” — “Ekseter Siti” uchrashuvida (10:1) asosiy tarkibda maydonga tushib, to‘liq harakat harakat qildi.
Husanov o‘yin davomida 112 marta to‘pga tegindi. Futbolchi bu vaqt ichida jami 100 marta uzatma amalga oshirgan bo‘lib, shulardan 95 tasi aniq manzilga yetib bordi — 95 foiz. Sofascore portali futbolchining harakatlarini 7,2 ball bilan baholadi.
Abduqodir Husanovning himoyadagi harakatlari:
Himoyaviy harakatlar: 8 marta
Faol kurash orqali to‘pni olib qo‘yish: 3 marta (barchasi muvaffaqiyatli)
Raqib uzatmasini to‘xtatib qolish: 3 marta
Tozalashlar: 2 marta
Yerda kurashlar: 5 marta (3 tasi muvaffaqiyatli)
Havodagi kurashlar: 2 marta (barchasi muvaffaqiyatli)
Vaziyatdan foydalanib to‘pni qaytarib olish: 5 marta
Yaqinda “Manchester Siti”ga qo‘shilgan Antonio Semenyo Sofascore tomonidan uchrashuvning eng yaxshi futbolchisi deb topildi — 9,5. Ganalik vinger o‘yinni asosiy tarkibda boshlab, 64-daqiqada zaxiraga olindi. Futbolchi 49-daqiqada Riko Lyuisning goliga hammualliflik qilgan bo‘lsa, oradan 5 daqiqa o‘tib, o‘z hisobiga bitta gol ham yozdirib qo‘ydi.
Shuningdek, ikki gol va 1 assist muallifiga aylangan Riko Lyuis o‘yinning eng yaxshi ikkinchi futbolchisi deb topildi. Sofascore portali himoyachining harakatlarini 8,9 ball bilan baholadi.
