Аввалига «Барселона» сафида тўп сурган, ҳозирда Бразилиянинг «Сантос» клуби ҳужумчиси ҳисобланган Неймар «Реал» ярим ҳимоячисини ўз позициясида дунёнинг энг яхшиси деб танлади.

«Менимча, Арда Гюлер — дунёнинг энг яхши ярим ҳимоячиси», — дея Неймарнинг сўзларини X ижтимоий тармоғидаги Total Cristiano аккаунти келтирмоқда.

Арда Гюлер 2023 йил июль ойидан буён «Реал» шарафини ҳимоя қилиб келмоқда. Жорий мавсумда туркиялик футболчи барча мусобақаларда клуб сафида 27 та учрашувда майдонга тушиб, 3 та гол ва 8 та голли узатма муаллифи бўлди. Ярим ҳимоячининг «Қироллик клуби» билан шартномаси 2029 йил июнига қадар мўлжалланган.

Миллий терма жамоа сафида эса Гюлер 5 та ўйинда 1 та гол ва 3 та голли узатма қайд этган. Transfermarkt нуфузли интернет-портали футболчининг трансфер қийматини 90 миллион евро деб баҳоламоқда.