"Реал Мадрид"нинг бразилиялик ярим ҳимоячиси Каземиро "ПСЖ" ҳужумчиси Килиан Мбаппе ҳақида ўз фикрлари билан ўртоқлашди.

""Реал"да ўйнамайдиган футболчи ҳақида гапириш мен учун қийин, лекин у ажойиб футболчи. У Винисиус билан ўйнай оладими? Менимча, у дунёнинг исталган футболчиси билан тандем ҳосил қила олади. Аммо у бизнинг футболчи эмас, шунинг учун у ҳақида кўп гапира олмайман», - дея Каземиронинг сўзларидан иқтибос келтиради Goal.com.

Эслатиб ўтамиз, Мбаппе 2017 йилда “Монако”дан “ПСЖ”га ўтган эди. Ҳужумчининг парижликлар билан амалдаги шартномаси 2021/2022 йилги мавсум якунига қадар мўлжалланган. Жорий мавсумда Мбаппе Франция 1-лигасининг 16та ўйинида қатнашиб, 7та гол урди ва 8та голли узатмани амалга оширган.