«ПСЖ»нинг испаниялик ҳимоячиси Серхио Рамос футболдаги энг яхши шериги номини айтди.
«Футболда мен биладиган энг ёқимли инсон ким? Улар кўп, лекин бу Лука Модрич деб ўйлайман. У билан жуда яхши муносабатдаман, у менинг акам», - дейди испаниялик футболчи.
Эслатиб ўтамиз, Лука Модрич 2012 йилнинг ёзида «Реал»га ўтган ва 2021 йилнинг ёзига қадар Рамос билан бирга қироллик клубида ўйнаган, шундан сўнг испаниялик эркин агент сифатида «ПСЖ»га ўтганди.
Улар биргаликда 4 марта Чемпионлар Лигаси ва икки марта Ла Лига чемпионлиги, шунингдек, бир марта Испания кубоги, 4 марта клублар ўртасидаги жаҳон чемпионати, 3 марта Испания Суперкубоги ва 3 марта УEФА Суперкубогини қўлга киритган.
