"Бавария" бош мураббийи Юлиан Нагельсманн Чемпионлар лигасида "Барселона"ни мағлуб этганидан кейин (3:0) жамоаси янада кўпроқ гол уриши мумкинлигини айтди.
“Биз бугун майдонда сезиларли даражада устунлик қилдик.
Бугун йирик номга эга, ғалабага жуда муҳтож бўлган рақиб билан учрашдик. Ўйин давомида уларнинг енгил нафас олишига ҳам имкон бермадик. Агар биз биргаликда босимни давом эттирганимизда, учтадан кўпроқ гол уришимиз мумкин эди", - деди мутахассис УЕФА матбуот хизматига берган интервьюсида.