"Барселона" ҳужумчиси Мемфис Депай Чемпионлар лигаси доирасида "Бавария"га қарши ўйинда (0:3) жароҳат олди.

Клуб расмий сайти хабарига кўра, футболчига чап оёғининг сон орқа мушаклари шикастланиши ташхиси қўйилган. Қайта тикланишнинг аниқ вақти эса ҳозирча номаълум.

Қайд этиш жоиз, “Барса”да ҳозир фақат битта ҳужумчи қолди – Люк де Йонг. Мартин Брэйтуэйт тиззасидан олган жароҳатидан ҳали сафга қайтмади, Серхио Агуэро эса юраги билан боғлиқ муаммолар туфайли майдонга тушмаяпти.

Жорий мавсумда Депай жамоа сафида 21 та ўйин ўтказиб, 8 та гол урди ва 2 та голга ассистентлик қилди.