«Манчестер Юнайтед»нинг афсонавий бош мураббийи Сер Алекс Фергюсон ўзининг севимли футболчиси ким эканлигини айтди.

Шотландиялик мураббий Криштиану Роналду ёки чемпионликда бирга бўлган бошқа машҳур шогирдлари эмас, балки 1990-2002 йилларда «манкунианлар» сафида тўп тепган ҳимоячи Денис Ирвинни алоҳида таъкидлаб, жамоатчиликни ҳайратда қолдирди.

«Тўғрисини айтсам, Ирвин ҳар доим менинг жамоамдан жой оладиган ягона ўйинчи бўлар эди. У ажойиб футболчи, ҳимоя чизиғининг енгилмас қўрғонларидан бири эди.

У камдан-кам хато қилган», - дея Фергюсоннинг сўзларидан иқтибос келтиради Италиянинг Tuttosport нашри.

Эслатиб ўтамиз, Ирвин «Манчестер Юнайтед» сафида 529 та ўйин ўтказиб, 33 та гол урган.