Ҳужумчи Эдинсон Кавани фаолиятини Бразилияда давом эттириши мумкин.Globo Esporte нашри хабарига кўра, уругвайлик форвардга «Коринтианс» клуби қизиқиш билдирмоқда. Манбага кўра, Бразилия клуби вакиллари аллақачон Каванининг акаси ва агенти билан боғланишган.
Эдинсон Каванининг «Манчестер Юнайтед» билан амалдаги шартномаси жорий мавсум охиригача амал қилади. Трансфермаркт портали экспертлари февраль ойида 35 ёшга тўладиган уругвайлик футболчини 6 миллион еврога баҳоламоқда.
2021/2022 йилги мавсумда Эдинсон Кавани «Манчестер Юнайтед» таркибида саккизта ўйин ўтказиб, битта гол урган.
