УЕФА Конференциялар лигаси мусобақасини йўлга қўйгач, Европа лигаси турнири плей-офф босқичига кичик ўзгариш юз берди. Гуруҳ босқичида пешқадамликни қўлга киритган жамоалар тўғридан-тўғри нимчорак финал босқичига йўл олишган бўлса, қолган 8та клуб 1/16 финал деб номланган ўтиш баҳсларида иштирок этишади.

Гуруҳда 2-ўринни эгаллаганлар бу босқичда Европа чемпионлар лигаси гуруҳ босқичида 3-ўринни эгаллаган клублар билан тўқнаш келишади. Бугун эса айнан мазкур босқичга қуръа ташлаш маросими бўлиб ўтади.

Қачон?
Қуръа ташлаш маросими бугун — 13 декабрь, душанба куни УЕФА қароргоҳи жойлашган Ньон шаҳрида бўлиб ўтади. Тадбир Тошкент вақти билан 17:00да бошланади.

Иштирокчи-жамоалар
Юқорида айтиб ўтганимиздек, қуръада 16та жамоа иштирок этади. Европа лигаси гуруҳ босқичида 2-ўринни эгаллаганлар 1-саватчадан, ЕЧЛдан ўтган клублар эса 2-саватчадан ўрин олишади.

1-саватча:
"Бетис" (Испания)
"Брага" (Португалия)
"Динамо" Загреб (Хорватия)
"Лацио" (Италия)
"Наполи" (Италия)
"Олимпиакос" (Греция)
"Реал Сосьедад" (Испания)
"Рейнжерс" (Шотландия)

2-саватча:
"Аталанта" (Италия)
"Барселона" (Испания)
"Боруссия" Дортмунд (Германия)
"Зенит" (Россия)
"Порту" (Португалия)
"РБ-Лейпциг" (Германия)
"Севилья" (Испания)
"Шериф" (Молдова)

Чекловлар борми?
Ҳа. Бир мамлакат вакиллари ушбу босқичда ўзаро тўқнаш келишмайди.

Нечта ўйин?
1/16 финал босқичида жамоалар уй ва сафар тизимида икки мартадан тўқнаш келишади. 1-саватча вакиллари жавоб баҳсини ўз уйларида ўтказишади. Плей-офф босқичида "сафарда урилган гол" қоидаси амалда бўлмайди.

Ўйинлар қачон ўтказилади?
Дастлабки учрашувлар 17 февраль, жавоб баҳслари эса 24 февраль кунлари бўлиб ўтади.

Кейин-чи?
Ушбу босқич ғолиблари нимчорак финалга йўл олади ва Европа лигаси гуруҳ босқичида 1-ўринни эгаллаганлар сафига қўшилади. Мағлуб бўлганлар мусобақани тарк этишади. 1/8 финалга қуръа ташлаш маросими 25 февраль куни бўлиб ўтади.