"Интер" бош мураббийи Симоне Индзаги А Серия 17-турида "Каляри"га қарши ўйиндаги ғалаба (4:0) ҳақида фикр билдирди.
“Жамоа ажойиб ўйнади. Йигитлардан бор эътиборини шу ўйинга қаратишларини сўрадим, чунки бу дам олиш кунлари еврокубоклардаги ўйинларидан кейин бошқа йирик клубларнинг муаммога дуч келганини кўрдим.
"Кальяри" аҳил жамоа эканлигини тушундим, уларга тўғри ёндашиш керак эди. Танаффус пайтида мен футболчиларимни мақтадим. Улар ҳамма вазифаларни тўғри бажаришди, энди шу руҳда давом этиш ва ўз имкониятларимиздан максимал фойда чиқаришимиз зарур”, — деди Инзаги.
