15 мартдан навбатдаги Олий лига баҳсларига старт берилди. Лекин Олий лига иштирокчиларининг ПФЛга топширган заявкалари (ўйинчилар қайдномаси)дан ҳалигача дарак йўқ.
ПФЛ сайти ҳам жим-жит. Дарвоқе, бу ташкилот матбуот хизмати ҳамма клубларнинг заявкасини 14 март куни сайтга жойлаштирилишини маълум қилганди. Аммо орадан икки кун вақт ўтибдики, ҳалиям бу борада ҳеч гап йўқ.
ПФЛ матбуот котиби Григорий Ртвеладзенинг айтишича, душанба куни таркиблар сайтга қўйилиши мумкин экан. Чунки шанба ва якшанба ПФЛда иш куни ҳисобланмайди, яъни айни миллий чемпионат баҳслари бўлиб ўтадиган кунлари ташкилот ходимлари дам олишади.
Шундай экан, душанбани кутиб қоламиз.
