"Арсенал" ҳужумчиси Пьер-Эмерик Обамеянг ва "Манчестер Юнайтед" ҳужумчиси Антони Марсияль агентлари томонидан "Ювентус"га таклиф қилинган. Бу ҳақда журналист Николо Скира ўз Twitter саҳифасида маълум қилди.
Манба, шунингдек, ушбу футболчиларнинг ҳозирги маошлари "Юве" учун жуда юқори эканлигини қайд этган. Улар “Ювентус”нинг янги лойиҳаси талабларига жавоб бермайди.
Олдинроқ Марсиялнинг агенти франциялик футболчи январда "Манчестер Юнайтед"ни тарк этмоқчи эканини айтганди. Жорий мавсумда 26 ёшли ҳужумчи жамоаси сафида ўнта ўйин ўтказиб, битта гол урган. "Transfermarkt" портали уни 35 миллион еврога баҳоламоқда.
Обамеянг эса нотўғри хатти-ҳаракатлари учун "Арсенал"да сардорлик боғичидан маҳрум қилинди. Жорий мавсумда 32 ёшли габонлик 15 ўйинда 7 та гол урди ва 2 та голли узатмани амалга оширди. Унинг нархи, "Transfermarkt" маълумотларига кўра, 25 миллион евро.
