Премьер-лига расмий сайти чемпионатнинг 18-туридан ўрин олган тўртта ўйини қолдирилгани ҳақида баёнот берди.

Шу тариқа, қуйидаги учрашувлар қолдирилди: “Саутгемптон” – “Брентфорд” (18 декабрь), “Уотфорд” – “Кристал Пелас” (18 декабрь), “Вест Хэм” – “Норвич” (18 декабрь) ва “Эвертон” – “Лестер” (19 декабр).

Аввалроқ, 16 декабрь куни "Манчестер Юнайтед"нинг "Брайтон"га қарши ўйини (18 декабрь) ҳам касаллик туфайли қолдирилган эди.

Барча клубларда коронавирус билан касалланган футболчилар бор. Жамоаларда ўйин ўтказиш учун соғлом футболчилар этишмаяпти.