Англиянинг "Болтон" жамоаси ўзининг расмий сайтида, жамоа ярим ҳимоячиси Фабрис Муамбанинг аҳволи оғирлашгани ҳақида хабар тарқатди.
Эслатиб ўтамиз, футболчи кеча, "Тоттенҳэм"га қарши кечган баҳснинг 40-дақиқасида ҳушини йўқотиб майдонга йиқилган эди. Юраги тўхтаб қолган футболчини врачлар 20 дақиқалик уринишлардан сўнг хушига келтиришганига қарамай, футболчи Лондондаги кордилогия марказларидан бирида ҳамон хаёт билан олишмоқда.
Ҳозиргача, унинг нима сабабдан ҳушини йўқотгани ноъмалумлигича қолмоқда.
Англия ёшлар терма жамоасининг собиқ сардори ҳисобланган Фабрис Муамба, ушбу мавсум "Болтон" таркибида деярли барча учрашувларда майдонга тушган эди.
