Лондон "Челси" клуби "Порту" ва Бразилия терма жамоаси ҳужумчиси Халкни харид қилиш учун жиддий киришганга ўхшаяпти.
The Telegraph маълумотларига кўра, инглиз клуби менежерлари Португалия клуби томони билан олиб борган музокаралар муваффақиятли якун топиб, 25 ёшли футболчининг баҳоси 100 миллион евродан 40 миллионга қадар туширилган.
Кутилишича, музокаралар якуний муваффақият билан якунланса футболчи ёзги трансфер мавсумидаёқ Лондонга кўчиб ўтиши мумкин. Эслатиб ўтиш жоизки, футболчини "Порту"да ишлаб юрган пайтлариданоқ яқиндан билган "Челси"нинг собиқ мураббийи Андрей Виллаш-Боаш кўз остига олиб қўйган эди.
Халк Португалия чемпионатида 19 та ўйинда майдонга тушиб, 9 та гол урган.
