Собиқ футболчи Педди Кенни Жуд Беллингем ҳақида фикр билдирди. У ўз интервьюсида шундай дейди:
"Бу узоқ муддатлик жараён. У эндигина 18 ёшда. Аммо ҳозирданоқ фантастик ўйинлар намойиш этмоқда. Энди тасаввур қилинг, шу болакай Юрген Клопп қўл-остида қанчалик ўса олади? Ҳозир "Ливерпуль"да ҳар қадамда рақобат бор. Унга асосий таркибдан жой тегиши амри маҳол, назаримда. Ҳатто, "Ливерпуль" Беллингем учун 100 миллион фунт тўлаган тақдирда ҳам у бу жамоага ўтмаслиги мумкин. Шундай экан, у ҳали АПЛга қайтмагани маъқул".
Эслатиб ўтамиз, "Ливерпуль" Англия терма жамоаси аъзоси учун энг асосий даъвогар саналади.
