Сўнгги пайтларда турли манбалар "Нант" ҳужумчиси Рандал Коло Муанини "Милан"га фаол равишда жалб қилишди ва бундай трансфер бўлиши мумкинлигини айтишди. Аммо шанба куни футболчининг келажакдаги Бундеслигага ўтиши ҳақида маълумотлар пайдо бўлди.
Журналист Фабрицио Романо ўзининг "Тwиttеr"ида франциялик футболчи "Айнтрахт" билан музокараларнинг якуний босқичида эканлиги ҳақида маълумот берди. Қайд этилишича, Коло Муани немислар билан 5 йиллик шартнома имзолайди.
Потенциал транзакция суммаси 12 миллион еврога баҳоланмоқда. 23 ёшли футболчи жорий мавсумда “Нант” сафида барча турнирлар доирасида 19 та ўйинда майдонга тушиб, 7 та гол ва 3 та голли узатмага муаллифлик қилган.
