"Зенит" ва "Лион" Санкт-Петербург жамоаси ҳужумчиси Сердар Азмуннинг трансфери борасида келиша олмаяпти, деб ёзади журналист Себастьян Денис.
Манба берган хабарга кўра, 26 ёшли эронлик футболчи француз клуби билан 4,5 йиллик шартнома бўйича келишиб олган бўлса-да, у ҳалигача "Лион"дан узоқда.
Қайд этилишича, "Зенит" Азмун учун 3 миллион евродан кўпроқ талаб қилмоқда, чунки улар ҳужумчига "Ньюкасл" дан қизиқиш борлигини билишади.
Жорий мавсумда Азмун "Зенит" сафида 21 та ўйинда 10 та гол урди ва 1 та голга ассистентлик қилди. Ҳужумчининг Петербург клуби билан шартномаси 2022 йилнинг ёзида якунига этади.