Англия терма жамоасининг собиқ ҳужумчиси Гари Линекер Англия Премьер-лигасининг 20-турида “Лестер Сити”нинг “Ливерпуль”га қарши ўйиндаги ғалабаси (1:0) ҳақида фикр билдирди. Ягона гол Адемола Лукман томонидан киритилди. Юрген Клопп шогирдлари 16-дақиқада олдинга чиқиб олишлари мумкин эди, аммо Муҳаммад Салоҳ пенальтини голга айлантира олмади.

"Қойил! Нима бўлишидан қатъий назар, "Лестер Сити" учун қандай ғалаба. Бир қанча жароҳатлар, "Ливерпуль"га қарши ўйин "Манчестер Сити"га қарши ўйиндан 48 соат ўтиб бўлди. Мен “тулкилар” билан фахрланаман”, — деб ёзди Линекер ўз твиттерида.

"Ливерпуль" 19 ўйинда 41 очко тўплаган ва АПЛ турнир жадвалида иккинчи ўринда бормоқда. "Лестер" (18 ўйинда 25 очко) тўққизинчи поғонада.