Диего Марадонага яна ўша 1986 йилги мундиалда қўли билан урилган голи ҳақида гапиришига тўғри келмоқда. Журналистлар ундан Англия термаси дарвозабони Питер Шилтоннинг "Марадона билан қўлимни бериб кўришмайман" деган сўзларига шарҳ беришни сўрадилар.
"Бу воқеага кўп йиллар бўлди. Шилтон бўлса, эгилиб ўша тўпни дарвоза тўридан олиб чиққан шахс. Бу воқеани хотирамдан ўчириб ташлаганман. Мен ўтмиш билан яшамайман ва 25 йилги воқеа учун кечирим сўрамоқчи эмасман",- дея унинг сўзларидан иқтибос келтиради goal.com.
