Мадриднинг “Реал” клуби ёзда “ПСЖ” ҳужумчиси Килиан Мбаппе ва “Боруссия” ҳужумчиси Эрлинг Холандни сотиб олишни режалаштирмоқда.
Мадрид клуби "Барселона" дуч келаётган молиявий муаммолардан унумли фойдаланмоқчи ва шунинг учун ёзда бу футболчиларни сотиб олмоқчи, деб ёзади ESPN ўз манбаларига таяниб.
Мбаппе ёзда Мадридга текинга ўтиши кутилмоқда. Холанд учун «Манчестер Сити», «Манчестер Юнайтед» ва «ПСЖ» клублари рақобатлашаётганига қарамай, «Реал» ёзда Эрлингни қўлга киритишига ишонмоқда.
Ёзда "Реал"нинг катта маош оладиган тўрт нафар футболчисининг шартномаси тугайди - улар Гарет Бейл, Иско, Лука Модрич ва Марсело. Шу тариқа, клубнинг маоши анча бўшаб қолади ва Мадрид Мбаппега ҳам, Холандга ҳам маош тўлаши мумкин бўлади.
