“Марсель” ҳимоячиси Бубакар Камара Европанинг камида икки жамоаси қизиқишлари доирасида. Футболчи билан Англиянинг “Манчестер Юнайтед” клубидан ташқари манкунианликлар собиқ устози Жозе Моуриньо бошчилигидаги “Рома” ҳам шартнома имзолашга тайёр. Бу ҳақда "La Repubblica" хабар бермоқда.
Манбанинг хабарига кўра, Италия клуби Камаранинг агенти билан тўғридан-тўғри музокараларни бошлаган ва барча томонларга мос келадиган келишувни амалга оширмоқчи. Камара "Манчестер Юнайтед" унга энг яхши молиявий шартларни таклиф қилишга тайёрлигини тушунади.
Маълумот учун, 22 ёшли Камара "Марсель" тарбияланувчиси. Франциялик ҳимоячи жорий мавсумда барча турнирларда 20та ўйинда майдонга тушиб, битта гол урди. Трансфермаркт портали футболчини 25 миллион еврога баҳоламоқда.
