“Лацио” ҳимоячиси Луис Фелипе фаолиятини Россия Премьер-лигасида давом эттириши мумкин, деб хабар беради "Correira Dello Sport".
Манбага кўра, 24 ёшли бразилиялик футболчига "Зенит" қизиқиш билдирмоқда. Фелипе "Лацио" билан шартномани узайтириш борасида келиша олмаяпти. Тез орада Италия фуқаролигини олиши мумкин бўлган футболчи Рим клубида йилига 2,5 миллион евро ишлаб олмоқчи. "Лацио" эса 2 миллион евродан сал камроқ шартнома таклиф қилмоқда. 2022 йилнинг ёзида Фелипе шартномани узайтирмаса, эркин агентга айланади. Унинг хизматларига "Зенит"дан ташқари "Валенсия" ҳам қизиқмоқда.
