Ўзбекистон миллий терма жамоаси ва Италиянинг “Рома” клуби ҳужумчиси Элдор Шомуродов фаолиятини Франция чемпионатида давом эттириши мумкин. Бу ҳақда, “upl” нашри хабар бермоқда.
Манбага кўра, Шомуродовга Франциянинг “Монако” клубидан таклиф бор. Француз клуби қишки трансферлар вақтида ҳужум чизиғини кучайтиришни режалаштирмоқда. Шомуродов жамоа раҳбариятининг қисқа “шорт-листи”га киритилди.
“Монако” Элдорни ёзги трансфер ойнасида сотиб олиш имконияти билан қишда ижарага олиши мумкин. Ҳозирча ўзбекистонлик ҳужумчининг “Рома”даги фаолияти яхши кетаётгани йўқ. Римликлар бошқа позицияларни мустаҳкамлаш учун Элдордан сотишга қарши бўлмаслиги мумкин. Эслатиб ўтамиз, “Монако” айни дамда Франция чемпионатида 6-ўринни эгаллаб турибди