«Ливерпуль» устози Юрген Клопп жамоа футболчиси Тиаго Алкантара ҳақидаги миш-мишларга изоҳ берди. Мутахассис футболчининг мавсум охирига қадар майдонга тушмаслиги ҳақидаги гапни рад этди:
«Йўқ, на март ва на мавсум сўнгигача чўзиладиган жароҳат эмас бу. Футболчининг сонида жиддий бўлмаган муаммолар бор. Бу вазиятда унга вақт керак бўлади. Аммо унақа катта вақт олмайди. Тиаго бу ҳафта биз билан эмасди. Лекин тез орада қайтади. Уни мавсум сўнгигача ўйнай олмайди деган гаплар сафсатадан бошқа нарса эмас».
Эслатиб ўтамиз, «Ливерпуль»ни ўз уйида «Арсенал»га қарши баҳс кутмоқда.
