“Ливерпуль” ва “Реал”нинг собиқ дарвозабони Ежи Дудек “Барселона”нинг собиқ ҳужумчиси Лионель Месси “эл класико” пайтида “қаймоқранглилар” футболчилари қандай қилиб ғазаблантирганини эслади.

“Месси “Барселона”нинг барча футболчилари каби ёлғончи ва провакатор эди. Шунингдек, Хосеп Гвардиолани ҳам айтиш мумкин. Лео майдонда ўзини қандай тутганини ўз кўзим билан кўрганман. У Серхио Рамос ва Пепега нисбатан жуда қўпол гапирди. Бунга ишонишим қийин эди, чунки Месси менга доим яхши йигит бўлиб кўринарди”, — деди Дудек “Daily Mail” нашрига.

Аргентиналик ҳужумчи 2005 йилдан 2021 йилгача “Барселона” сафида тўп сурган. Ўтган ёзда у шартномаси тугаганидан сўнг клубни тарк этган ва ПСЖга ўтганди.