"Астон Вилла" бош мураббийи Стивен Жеррард қишки трансфер ойнасида жамоаси яна бир неча ўйинчи билан шартнома имзолашини тан олди.
"Балки бизда яна кимнидир сотиб олиш имконияти бўлади, савол шундаки, футболчи бизнинг услубимизга мос келадими ва жамоани чиндан ҳам кучайтира оладими ёки ҳозирги футболчилардан бирининг жароҳати туфайли унинг ўрнига ўринбосар топишимиз керак бўлар. Менга ихтиёримда 4 та марказий ҳимоячи борлиги ёқади, аммо ҳозир бизда атиги 3 нафар. Биз вазиятни таҳлил қилмоқдамиз", - деди Жеррард.
Жорий трансфер ойнасида “Астон Вилла” “Эвертон” ҳимоячиси Лукас Динь билан шартнома имзолади ва “Барселона” ярим ҳимоячиси Филиппе Коутинони сотиб олиш шарти билан ўз сафига қўшиб олди.
