“Манчестер Юнайтед” бош мураббийи Ральф Рангник жамоани ҳужумчи Криштиану Роналду атрофида қуриш керакми, деган саволга жавоб берди.

“Роналдунинг фаолияти давомида эришган ютуқлари ҳайратланарли. Расмий ўйинларда 800 та гол, сўнгги 80-100 йилда ҳеч ким бунга эришмаган. Бу унинг қанчалик буюк футболчи эканлигини кўрсатади.

Лекин, Премьер-лига бошқа лигадар ичида энг рақобатларга бой чемпионат ва Роналду ўзи ҳаммасини қила олмайди. У жамоанинг муҳим ўйинчиларидан бири ва “Манчестер Юнайтед” шундай ривожланиши керак”, - дейди немис мутахассиси.