"Манчестер Юнайтед" устози Ральф Рангник жамоа тактикасини ўзгартиришга тайёрлигини билдирди. У "Брентфорд"га қарши ўйин олдидан шундай дейди:
"Биз бундан буён "Астон Вилла"га қарши ўйиндаги каби 4-3-3 схемасида ўйнашга қарор қилдик. Олдинда учта ҳужумкор футболчи яхшироқ фойда келтириши мумкин. Аниқ бўлдики, ушбу тактикада Санчо ҳам ўнг қанотда, ҳам чап қанотда ўйнай олади. У шундагина ўзини эркин ҳис этмоқда. Менимча, унинг ўзи, нисбатан чап қанотни маъқул кўради. Чунки у ўнг оёқда кучли зарбага эга. Аммо унинг позицияси борасида гап-сўз бўлиши мумкин эмас, у - вингер. Санчо Германиядаги каби ўйнаши учун шароит яратилиши керак".
Эслатиб ўтамиз, "МЮ" ҳозирда АПЛ турнир жадвалининг еттинчи поғонасидан жой олган.
