"Реал Сосьедад" ярим ҳимоячи Аднан Янузай билан шартномани узайтиришга яқин турибди, деб хабар беради "Mundo Deportivo".
Манба берган хабарга кўра, клуб раҳбарияти 26 ёшли бельгиялик футболчининг вакиллари билан учрашув ўтказган, натижада томонлар музокараларда олдинга силжишган. Қайд этилишича, футболчининг ўзи фаолиятини ҳозирги клубида давом эттирмоқчи ва “Севилья” ҳамда “Валенсия” таклифларини аллақачон рад этган.
2021/22 йилги мавсумда Янузай "Реал Сосьедад" сафида 29 та ўйинда майдонга тушиб, 4 та гол ва 3 та голли узатмани амалга оширган. Футболчининг амалдаги шартномаси 2022 йилнинг июнь ойи охиригача амал қилади.
