Африка миллатлар кубогининг ярим финалидан ўрин олган икки ўйин 30 январь, якшанба куни бўлиб ўтди.

Миср терма жамоаси Марокашга қарши баҳс олиб борди. Аввалига марокашликлар Софиян Буфалнинг пенальтидан урган голи эвазига олдинга ўтиб олди. Иккинчи бўлим дебютида Муҳаммад Салоҳ мувозанатни тиклади. Қўшимча бўлимларда Салоҳнинг узатмасидан кейин Трезеге мисрликларни кейинги босқичга олиб чиққан гол муаллифига айланди.

Яна бир учрашувда Сенегал терма жамоаси Экваториал Гвинея устидан ишончли ғалабани қўлга киритди.

Шу тариқа Африка Кубогида барча ярим финалчилар номи маълум бўлди. 2 февраль куни Сенегал термаси Буркина-Фасога қарши баҳс олиб борса, 3 февралда Миср мусобақа мезбони Камерун билан ўйнайди.

Африка миллатлар кубоги, чорак финал баҳслари
30 январь, якшанба
Миср — Марокаш 2:1
Голлар: 0:1 – 6, пенальти Буфаль, 1:1 – 53 Салоҳ, 2:1 – 100 Трезеге.

Сенегал — Экв. Гвинея 3:1
Голлар: 1:0 – 28 Дедиу, 1:1 – 57 Буйла, 2:1 – 68 Куяте, 3:1 – 79 Сарр.