"Манчестер Юнайтед" дарвозабони Матей Ковар клуб билан янги шартнома имзолади ва "Бёртон Албион"га ижарага ўтди, деб хабар беради "қизил иблислар" расмий сайти.
21 ёшли чехиялик футболчининг "Манчестер Юнайтед" билан тузган янги шартномаси 2023 йилнинг июньига қадар амал қилади ва яна бир йилга узайтирилиши мумкин. Ковар мавсумнинг иккинчи ярмини "Бёртон"да ўтказади. Клуб Англия футболининг учинчи дивизионида ўйнайди.
Ковар ушбу мавсумда 23 ёшгача бўлган "Манчестер Юнайтед"да ўйнамоқда, аммо асосий жамоа билан машғулот ўтказмоқда. У ҳали манкунианликларнинг асосий таркибида дебют ўтказгани йўқ. Ўтган йилнинг сентябрь ойида ёш дарвозабон Чехия терма жамоасига дебют чақирувини олди.
