Хабарингиз бор, шу йилнинг 4-20 февраль кунлари Хитойнинг Пекин шаҳрида XXIV қишки Олимпия ўйинлари ўтказилади. Ушбу нуфузли мусобақада ҳамюртимиз Комил Тўхтаев ҳам иштирок этади.
Бугун ҳамюртимиз Италиядаги машғулотларини якунлаб, Хитойга йўл олди. Маълумки, яна 3 кундан сўнг Пекинда XXIV қишки Олимпия ўйинларига старт берилади. Бундан бироз аввал ҳамюртимиз Комилжон Тўхтаев ўз мураббийи билан Италиянинг Милан шаҳридаги “Malpensa” халқаро аеропортидан Пекинга жўнаб кетди.
Дарвоқе, Тўхтаев Пекин қишки олимпиадасида Италиянинг машҳур VIST бренди либосларида иштирок этадиган бўлди. Ушбу бренд асосан қишки спорт турларининг тоғ чанғиси йўналиши учун либослар ишлаб чиқаради ва ундан дунёнинг аксарият қишки спорт турлари ривожланган давлатлари фойдаланади.
VIST бренди халқаро чанғи федерацияси сертификатига эга бўлиб, ушбу сертификатга эга бўлмаган брендлар либосида биронта халқаро мусобақада қатнашиб бўлмайди. Ушбу бренд ихтисослашган спорт кийимлари ва анжомларини ишлаб чиқаради. Мазкур комбинезонлардан бир нечтаси Ўзбекистон терма жамоаси аъзолари учун буюртма асосида харид қилинди
