БААнинг "Ал-Васл" жамоаси бош мураббийи Диего Марадона Аргентина термаси ҳужумчиси "Манчестер Сити"га ўтиб хато қилганини яна бир бор айтиб ўтди, дея хабар беради Marca.
"Агуэро "Реал"да ўйнаши керак. У "Сити" сафида яхши ўйин кўрсатаётгандир, аммо "Реал"га ўтгани яхшироқ эди. У ўшанда хато қилган. Энди у бу клубдан кета олмайди, негаки, мураббий Роберто Манчини унга умид билдирмоқда."
Эслатиш жоиз, Агуэро Англия клубида шу мавсумдан бошлаб тўп сурмоқда. У "Атлетико"да ўйнаган маҳалда клубнинг "Реал" билан "жентльменларча" келишуви бор эди. Унга кўра, "қаймоқранглилар" футболчини сотиб олишга уринмасликлари керак эди.
