Фарду ўйингоҳида "Ҳоким Кубоги-2022" мусобақасининг 3-ўрин учун кечган баҳс якунига етди. Қизиқарли ва муросасиз ўтган "Дўстлик"-"Денов" жамоаларининг беллашувида дуранг 3:3 натижаси қайд этилди. Регламентга кўра, учрашувнинг асосий вақтида ғолиб аниқланмаса, жамоалар пенальтилар серияси орқали ғолибни аниқлаб беришлари керак.

Пенальтилар сериясида олтиариқлик футболчиларга омад кулиб боқди (5:3) ва улар мусобақада 3-ўринни эгаллашга муваффақ бўлишди.

Эслатиб ўтамиз, эртага "Нефтчи" СК стадионида турнирнинг финал учрашуви бўлиб ўтади.

5 февраль
Финал учрашуви
"Нефтчи" СК стадиони
"Қўқон-1912"-" Андижон-1"
Соат 13:00 да