Англиянинг «Лидс» клуби январь ойида «Залцбург» ярим ҳимоячиси Бренден Ааронсонни сотиб олмоқчи эди. Бироқ, Австрия клуби инглизларнинг иккита таклифини ҳам рад этди.
"Лидс"нинг иккинчи юборган таклифи 20 миллион фунт эди. Шундай бўлсада, «Лидс» футболчига бўлган қизиқишни сўндирмаяпти ва кейинги мавсум бошланишидан олдин «Залцбург»ни ишонтиришга ҳаракат қилади.
Ааронсон жорий мавсумда 26 та ўйин ўтказиб, 3 та гол урди ва 7 та голли узатмани амалга оширди.