"Барселона" ярим ҳимоячиси Гави жамоаси билан шартномасини узайтириш борасида музокаралар олиб бормоқда. Манбага кўра, футболчи "кўк-анорранглиларнинг" биринчи таклифини рад этган. Бу ҳақда Sport.es нашри хабар бермоқда.
Манбага кўра, "Барселона" таклиф қилаётган шартлар 17 ёшли ярим ҳимоячининг талабларига жавоб бермайди, шунинг учун клуб Гави янги шартнома имзолаши учун унга катта маош таклиф қилиши керак бўлади. Гави учун устувор вазифа - жамоада қолиш, шунинг учун томонлар яқин орада яна музокара олиб боришади.
17 ёшли Гави жорий мавсумда Ла Лига ва Чемпионлар лигасида 26 та ўйинда майдонга тушиб, 1 та гол урди ва 3 та голли узатмани амалга оширди. Ярим ҳимоячининг "Барселона" билан шартномаси 2023 йилда тугайди, Трансфермаркт ярим ҳимоячининг бозор нархини 40 миллион евро деб баҳоламоқда.
