Португалия терма жамоасининг собиқ бош мураббийи Луис Фелипе Сколари терма жамоа ҳужумчиси Криштиану Роналдуга отасининг ўлими ҳақида қандай айтганини эслади.

"Бу жуда қийин бўлди. Ўша воқеа мен ва Криштиану ўртасида ўйинчи ва мураббий муносабатларидан кўра кўпроқ ришталарни яратди.

Роналдуга отасининг вафоти ҳақида Россия билан ўйин олдидан хабар бергандим. Бу жуда ачинарли эди, лекин бу воқеа бизни дўст сифатида яқинлаштирди. У ўйнашни сўради ва ажойиб ўйин ўтказди. Эртаси куни у Португалияга қайтди”, - дейди у.

Роналдунинг отаси 2005 йил 7 сентябрда Россияга қарши жаҳон чемпионати саралаш ўйини (0:0) арафасида вафот этганди.