"Арсенал" "Тоттенхэм" қўлга киритган совринлар сони ҳақида ҳазил қилди.
Канонирларнинг интернет-дўкони фойдаланувчилари сайтдаги ноодатий хабарни пайқашди. Гап шундаки фойдаланувчилар саватча белгиси устига курсорни олиб боришганда “Сизнинг саватчангиз бўш, худди "Тоттенхэм" кубоклар шкафи каби” ёзуви пайдо бўлди.
Кейинчалик "Арсенал" бу хабар хатолик билан пайдо бўлганини айтди.
"Ушбу хабар нотўғри ва тегишли текширувсиз ва тасдиқсиз веб-сайтга жойлаштирилган ва имкон қадар тезроқ олиб ташланади", - дейилади клуб баёнотида.
"Тоттенхэм" ўзининг сўнгги совринини 2008 йилда Лига кубогида қўлга киритган. "Шпорлар" 1991 йилдан бери Англия кубоги ва 1961 йилдан бери лигада ғалаба қозона олмаяпти.
