“Реал”нинг ҳужумкор ярим ҳимоячиси Марко Асенсио ПСЖ ҳужумчиси Килиан Мбаппе ёзда “қаймоқранглилар” сафига қўшилиши мумкинлиги ҳақидаги миш-мишларга изоҳ берди. Мбаппе ПСЖ билан шартномасини узайтирмаслиги ва Мадрид клуби футболчисига айланиши кутилмоқда.
“Мен ҳар доим энг яхшилар билан ўйнашни хоҳлайман. Мбаппе - фантастик футболчи. У ёш бўлса-да, кўп нарсага эришди. Агар у “Реал”га ўтса, мен у билан ўйнашдан хурсанд бўламан”, - дея Асенсионинг сўзларини келтирмоқда Get French Football News нашри.
Қўшимча қиламизки, “Реал Мадрид” ва ПСЖ тез орада Чемпионлар лигасининг 1/8 финали доирасида баҳс олиб боришади.
