«Манчестер Сити» клуби бош мураббийи Пеп Гвардиола АПЛ доирасида «Брентфорд» (2:0) устидан қўлга киритилган ғалаба ҳақидаги фикрлари билан ўртоқлашди.

«Бундай рақибга қарши ҳужум уюштириш жуда қийин. Улар тажовузкор ва юқори прессингдан фойдаланади.

Қачонки биз ҳужум бошлаганда улар ортга қайтишмоқда ва чуқур ҳимояланишмоқда. Биз сабрли бўлдик, хатоларга йўл қўймадик ва якунда керакли натижани қўлга киритдик.

Кўрсатган ўйинимиздан қониқдим. Ўз дарвозамиз томон битта зарба ўтказиб юбордик ва бир нечта бурчак тўплари бўлди, умуман олганда сабр билан ҳаракат қилдик. Лекин, қачонки рақибинг ўз жарима майдончаси ичида чуқур ҳимояланса қийинчиликка дуч келишинг аниқ.

Чемпионлик учун кураш ҳақида гапирадиган бўлсам, «Ливерпул»нинг яна иккита захира ўйини бор, шундан сўнг очколар сонидаги фарқ қандай бўлишини кўрамиз.

Олдинда яна 14 та учрашув бор улар ҳам худди бугунгидек қийин бўлади. Рақобат кучли, лекин "Сити" 60 очко жамғаргани яхши тааcсурот қолдирмоқда», – деди Гвардиола.