"Барселона" ҳужумчиси Ансу Фати физиотерапевт Хоакин Хуан қўл остида жароҳатидан тикланиш учун Мадридга кўчиб ўтди.
"Мен яхшиман. Ҳаммаси яхши кетмоқда, мен жуда хурсандман", дейди футболчи АS нашрига.
25 январь куни "Барселона" Фати операциядан кўра консерватив даволанишни афзал кўрганини маълум қилди.
Ҳужумчи чап сонидан жароҳат олган. Агар 19 ёшли испаниялик операцияга рози бўлса, у 4-6 ойни ўтказиб юбориши мумкин. Консерватив даво билан тикланиш муддати олти дан саккиз ҳафтагача бўлиши керак.
Жорий мавсумда Фати “Барселона” сафида 10 та ўйинда майдонга тушиб, 5 та гол урди ва 1 та голли узатмани амалга оширди.
