Халқаро футбол тарихи ва статистикаси федерацияси (IFFHS) “Бавария” ҳужумчиси Роберт Левандовскига 2021 йил учун тўртта совринни топширди.
33 ёшли полшалик “Дунёнинг энг яхши футболчиси”, “Топ-лигаларнинг энг яхши тўпурари”, “Тақвим йилидаги энг яхши тўпурар” ва “Халқаро турнирларнинг энг яхши тўпурари” номинацияларида ғолиб чиқди.
IFFHS тарихида ҳеч қачон, аниқроғи 1987 йилдан бери бир футболчи бир йил ичида иккитадан ортиқ совринни қўлга киритмаган. 2012 йилда Лионель Месси, 2014 йилда Криштиану Роналду ва 2020 йилда Левандовски иккитадан совринни қўлга киритган.
“Бир йил ичида 4 та IFFHS мукофотини қўлга киритган биринчи футболчи бўлиш – катта шараф! Футбол саргузаштимда ҳамроҳлик қилган барчага катта раҳмат”, — деди Левандовски.
